• Dhjetë veprat që e rrënojnë Islamin

• Me emrin e Allahut po e nis këtë poezi,
  Sqarim për veprat me të cilat rrënohet Islami, kjo bukuri.

• Ato janë të shumta, por dhjetë janë kryesore,
  Mësoji si duhet, që të korrësh fitore.

• E para është shirku, padrejtësia më e madhe,
  Për atë që vdes me shirk nuk do të ketë falje.

• E dyta është të marrësh ndërmjetës mes teje e Zotit Krenar, 
  T'i mbështetesh, t'i lutesh ose t'i kërkosh ndërmjetësim si një idhujtar.

• Mosshpallja idhujtarët jobesimtarë, kjo është e treta,
  Dyshimi në kufrin e tyre dhe pohimi se feja e tyre është e vërteta.

• Ai që ka bindje se gjykim më i mirë se i Profetit ekziston,
  E favorizon atë tjetrin dhe gjykimin me të e lejon.

• Ose, të njëjtë me gjykimin e Profetit e konsideron,
  Me këtë vepër të katërt ai imanin e vet e shkatërron.

• Urrejtja e sheriatit të profetit Muhamed,
  Madje, edhe nëse vepron sipas tij, ai quhet murted.

• Kjo është vepra e pestë, andaj kuptoje mirë,
  S’duhet të urrehet asgjë nga kjo fe e dëlirë.

• Tallja me fenë është vepër e shëmtuar,
  Qoftë me Kuranin, qoftë me Profetin e dërguar.

• Është vepra e gjashtë që Islamin e rrënon,
  Qoftë tallje me shpërblimin a ndëshkimin e fesë sonë.

• Magjia, përfshirë dy llojet e saj, është vepër e pështirë,
  Përmes saj afrohen e bashkohen njerëzit pa vetëdëshirë.

• Ai që me magjinë kënaqet, e mëson dhe e vepron,
  Me veprën e shtatë kështu Islamin e shkatërron.

• Përkrahja e ndihmesa qafirët kundër besimtarëve,
  Me trup, ide e pasuri, me cilëndo, s’ka dallim fare.

• E nxjerr muslimanin nga feja e tij që i jep jetë,
  E kjo është vepra që renditet me numrin tetë.

• Ai që ka bindje se Zotit mund t’i bëjë ibadet,
  Duke shmangur sheriatin e profetit Muhamed.

• Le ta dijë mirë dhe asnjëherë të mos harrojë,
  Se me këtë vepër kurrë nuk do të shpëtojë.

• Kjo është vepra e nëntë, tani të fundit mësoje,
  Hape zemrën tënde e mirë kuptoje.

• Ai që fesë ia kthen shpinën dhe s’e studion,
  Nuk do të ketë shpëtim kur Zotin e takon.

• Njëherazi, kjo është vepra me numrin dhjetë,
  T’i kam renditur të gjitha, që t’i mësosh më lehtë.

• Me seriozitet, frikë e tallje kush i vepron,
  Të gjithë janë qafirë dhe besimtari fare nuk dyshon.

• Nga krejt kjo që u tha bën përjashtim,
  Ai që u detyrua për mosbesim.

• Me kusht që imani në zemër fort t'i pushojë,
  E në atë rast detyrimi aspak s'do ta dëmtojë.

• Këto janë dhjetë veprat që Islamin e rrënojnë,
  Të cilat njerëzit më së shpeshti i veprojnë.

• E lus Allahun e Lartësuar të na mbrojë,
  Që dënimi i Tij i dhimbshëm të mos na kaplojë!

Shkroi: Hoxhë Burim Koçinaj

https://t.me/hoxheburimkocinaj